لاہور کے قذافی اسٹیڈیم میں دوستوں کو مفت پی ایس ایل کرکٹ میچ دکھانے پر ڈولفن اہلکار بڑی مشکل میں پھنس گیا۔
ایس ایچ او گلبرگ عمران صادق نے اپنی مدعیت میں مقدمہ درج کر کے ڈولفن اہلکار منور اور مفت میچ دیکھنے والے اس کے ساتھیوں کو گیٹ نمبر 5 سے حراست میں لیا۔
منور نے گزشتہ روز ہونے والے میچ میں 6 افراد کی بغیر ٹکٹ انٹری کروائی تھی۔
- Advertisement -
ادھر ایس پی ڈولفن زوہیب رانجھا نے واقعے کا نوٹس لیتے ہوئے اہلکار کو معطل کر کے کارروائی کا حکم دے دیا۔ ڈی ایس پی ہیڈ کوارٹرز ڈولفن واقعے کی مکمل انکوائری کریں گے۔
ایس پی ڈولفن کا کہنا ہے کہ ضابطہ اخلاق کی خلاف ورزی پر کوئی رعایت نہیں برتی جائے گی، اختیارات کے ناجائز استعمال اور ایس او پیز کی خلاف ورزی پر بلا تفریق کارروائی ہوگی۔
