کراچی: سندھ ہائیکورٹ سکھر بینچ نے سندھ بھر میں جیل پولیس کی بھرتیوں پر پابندی لگا دی۔
تفصیلات کے مطابق آج بدھ کو سکھر بینچ میں جسٹس ظفر احمد راجپوت اور جسٹس ذوالفقار خان پر مشتمل 2 رکنی بینچ نے جیل پولیس میں بھرتیوں میں بے ضابطگی کے کیس کی سماعت کی۔
ایڈووکیٹ سہیل کھوسو نے عدالت کو بتایا کہ پٹیشنرز نے جیل پولیس میں بھرتی کا ٹیسٹ پاس کیا تھا لیکن محکمے نے 40 سے 45 نمبر لینے والے من پسند افراد کو بھرتی کر لیا۔
- Advertisement -
بھرتیوں میں بے ضابطگی سے متعلق درخواست کی سماعت کے بعد عدالت نے سندھ بھر میں جیل پولیس کی بھرتیوں پر پابندی عائد کر دی، اور کیس کی سماعت 3 مئی تک ملتوی کر دی۔
