بھارت کی ریاست تلنگانہ کے شہر حیدر میں ایک گھر کے اندر لاشیں دیکھ کر پولیس کے ہوش و حواس اڑ گئے۔
میڈیا رپورٹس کے مطابق حیدر میں ایک ہی خاندان کے چار افراد نے زہر کھا کر خودکشی کرلی۔ مرنے والوں کی شناخت میاں، بیوی اور دو بچوں سے ہوئی ہے۔
پولیس حکام کے مطابق واقعہ جمعہ کی رات پیش آیا تاہم پولیس کو ہفتہ کی دوپہر اس کی اطلاع ملی، ابتدائی تفتیش میں پتا چلا کہ جوڑے کے دونوں بچے صحت کے مسائل میں مبتلا تھے جو علاج کروانے کے باوجود ٹھیک نہ ہو سکے۔
- Advertisement -
حکام نے بتایا کہ لاشیں مردہ خانے میں رکھ دی لیکن تاحال ان کا پوسٹ مارٹم نہیں ہو سکا، ہم نے مقدمہ درج کر کے تفتیش شروع کر دی۔
ابتدائی تفتیش کے مطابق گھر سے پوٹاشیم سائینائیڈ کی بوتل برآمد ہوئی ہے، کہا جا رہا ہے کہ پہلے بچوں کو سائینائیڈ دے کر ہلاک کیا گیا پھر جوڑے نے سائینائیڈ پی کر خودکشی کی۔
