سابق وزیر اعظم اور مسلم لیگ (ن) کی سینئر رہنما شاہد خاقان عباسی کا کہنا ہے کہ آج عمران خان اقتدار میں رہتے تو حالات مزید بدترین ہوتے۔
شاہد خاقان عباسی نے اپنے ایک بیان میں کہا کہ ملک جن حالات سے گزر رہا ہے اس کا سب کو ادراک ہے، حالات یہاں تک کیسے پہنچے اس متعلق ہر روز نئے انکشافات ہو رہے ہیں۔
سابق وزیر اعظم نے کہا کہ الیکش چوری کر کے عمران خان کو لایا گی، عمران خان کو لانے والے بھی اب اپنی غلطی مانتے ہیں، آج وہ ہوتے تو حالات مزید بدترین ہوتے۔
- Advertisement -
انہوں نے کہا کہ آج (ن) لیگ برسر اقتدار ہے لیکن کیا یہ حالات ہمارے پیدا کردہ ہیں؟ ہم نے 2018ء میں ترقی کرتا پاکستان نگراں حکومت کے حوالے کیا تھا، ساڑھے 3 سال حکومت میں رہ کر عمران خان ایک کام بتا دے جو کیا ہو۔
ان کا کہنا تھا کہ (ن) لیگ نے حکومت لینے کا فیصلہ کیا جس کی سیاسی قیمت بھی ادا کرنے کو تیار ہے۔
