پاکستانی اداکارہ حرا خان اور ارسلان خان ہنی مون کے لیے بینکاک پہنچ گئے۔
حال ہی میں ازدواجی بندھن میں بندھنے والا جوڑا ہنی مون کے لیے تھائی لیڈ کے کے دارالحکومت بینکاک پہنچا جس کی تصاویر اداکارہ حرا خان کے شوہر نے شیئر کی ہیں۔
اداکارہ کے شوہر ارسلان خان نے ’ ہنی مون ڈائری‘ کا ہیش ٹیگ استعمال کرتے ہوئے اپنے مداحوں کے لیے تصاویر شیئر کی ہیں جس میں دونوں کو خوشگوار موڈ میں دیکھا جاسکتا ہے۔
View this post on Instagram
تصاویر میں دیکھا جاسکتا ہے کہ نوبیاہتا جوڑا بینکاک کے اسکائے بار ٹاور پر موجود ہیں، ارسلان خان نے ایک اور ویڈیو شیئر کی ہے جس میں دیکھا گیا کہ انہوں نے اپنی سالگرہ بھی خوبصورت انداز میں منائی ہے۔
اداکارہ حرا خان اور اور ان کے شوہر کی خوبصورت تصویریں اور ویڈیوز مداحوں کو خوب بھا رہی ہیں، چند گھنٹوں قبل شیئر کی گئی تصاویر کو ہزاروں کی تعداد میں مداح دیکھ چکے ہیں اور ان کی تصاویر کی تعریف کررہے ہیں۔
واضح رہے کہ گزشتہ ماہ اداکارہ حرا خان اور ماڈل و اداکار ارسلان خان رشتہ ازدواج میں منسلک ہوئے۔ ان کی شادی کی مختلف تقریبات سے ویڈیو سوشل میڈیا پر وائرل ہوگئی تھیں۔
