بھارت میں شادی کے لباس میں ملبوس دلہن امتحان دینے پہنچ گئی جس کی ویڈیو سوشل میڈیا پر وائرل ہورہی ہے۔
بھارتی میڈیا رپورٹس کے مطابق ریاست اترپردیش سے تعلق رکھنے والی دلہن کرشنا راجپوت شادی کے بعد امتحان دینے پہنچی تو ان کی ویڈیو سوشل میڈیا کی زینت بن گئی۔
ٹوئٹر پر ویڈیو شیئر کرتے ہوئے کیپشن لکھا گیا کہ ’نوبیاہتا دلہن کرشنا راجپوت 16 مئی کو سوشولوجی کا امتحان دینے پہنچی ہیں۔
دلہن کے لباس میں ملبوس کرشنا راجپوت نے بتایا کہ ’بی اے فائنل ایئر کا پیپر تھا، شادی اور پیپر ایک ہی دن تھے، شادی بھی ضروری تھی لیکن پیپر بھی ضروری تھا، پیپر کے بعد رخصتی ہوگی۔
#WATCH | Uttar Pradesh: A BA final year student and newlywed bride, Krishna Rajput took the exam for Sociology paper on 16th May.
"My wedding is important and so are the examinations. My ‘vidai’ will be after I write my exam,” she says. pic.twitter.com/SFpHPkI3fB
— ANI UP/Uttarakhand (@ANINewsUP) May 17, 2023
دلہن کی ویڈیو سوشل میڈیا پر وائرل ہوگئی اور اس ویڈیو کو ہزاروں کی تعداد میں ویوز مل چکے ہیں اور صارفین اس پر تبصرے بھی کررہے ہیں۔
ایک صارف نے لکھا کہ ’اس لڑکی کو بہت بہت مبارک ہو۔‘ دوسرے صارف نے لکھا کہ ’زبردست! تعلیم کو ہمیشہ ترجیح دینی چاہیے۔‘
تیسرے صارف نے لکھا کہ ’رخصتی سے زیادہ امتحان ضروری ہے۔‘
