9 مئی کو چیئرمین پی ٹی آئی کی گرفتاری کے بعد جلاؤ گھیراؤ اور فوجی تنصیبات کو نقصان پہنچانے میں ملوث ایک اور اہم شرپسند کو گرفتار کرلیا گیا۔
پولیس کے مطابق سہراب نامی شرپسند کو 9 مئی کی اشتعال انگیزی میں مرکزی کردار ادا کرنے پر شناخت کے بعد گرفتار کیا گیا۔
تاہم شرپسند کے ورثا نے شدید الفاظ میں شرپسندوں اور 9 مئی کے سانحے کی شدید مذمت کی اور بھتیجےکی شرپسندی کا اعتراف کیا۔
- Advertisement -
گرفتار شرپسند سہراب کے چچا کا کہان ہے کہ ہمارا بھتیجا 9 مئی کے شرپسند واقعات میں گرفتار ہے، نوجوان نسل کو چیئرمین پی ٹی آئی کی اشتعال انگیز تقاریر اور نظریہ سے اپنے بچوں کو دور رکھیں۔
گرفتار سہراب کے چچا کا کہنا تھا کہ یہ ایک پراپیگنڈہ ہے جو نوجوان نسل کو خراب کر رہا ہے، چیئرمین پی ٹی آئی ایک پروپیگنڈے پر کام کر رہے ہیں۔
