بنوں: خیبر پختون خوا کے بنوں ڈویژن میں نیشنل ایکشن پلان کے تحت آپریشن کے کامیاب نتائج سامنے آئے ہیں۔
تفصیلات کے مطابق نیشنل ایکشن پلان کے تحت بنوں ڈویژن میں پولیس نے ایک ماہ میں کی گئی کارروائیوں کے اعداد و شمار جاری کر دیے ہیں۔
رپورٹ کے مطابق بنوں میں ایک ماہ کے دوران مختلف کارروائیوں میں ملزمان سے 149 بندوق، 73 ایس ایم جی، 20 رائفلیں، 621 پستول، 27 کلاشنکوفیں، 1 ہینڈ گرنیڈ اور 13 ہزار 941 عدد کارتوس برآمد ہوئے۔
- Advertisement -
رپورٹ میں کہا گیا ہے کہ ملزمان سے 83 کلو چرس، 9 کلو ہیروئین، 22 کلو آئس اور 200 گرام افیون برآمد ہوئی، ملزمان سے 9 بوتل شراب بھی برآمد ہوئی یے۔
رپورٹ کے مطابق 1808 ملزمان کے خلاف کارروائی کی گئی ہے، ڈی آئی جی قاسم علی کا کہنا تھا کہ نیشنل ایکشن پلان کے تحت کارروائیوں میں مزید تیزی لائی جائے گی۔
