کراچی: نہ صرف سندھ پولیس ملازمین بلکہ شہریوں کے لیے بھی اچھی خبر ہے کہ آئی جی سندھ نے ان کے لیے براہ راست واٹس ایپ نمبر جاری کر دیا ہے۔
ترجمان سندھ پولیس کے مطابق محکمہ پولیس کے ملازمین کو مطلع کیا جاتا ہے کہ وہ محکمانہ سطح پر ویلفیئر سے متعلق یا درپیش دیگر مسائل و مشکلات کے ضمن میں آئی جی پی سندھ رفعت مختار سے موبائل نمبر 03008753359 پر براہ راست واٹس ایپ رابطہ کر سکتے ہیں۔
اس نمبر پر ملنے والی مشکلات اور مسائل کی شکایات کے ازالے کے لیے متعلقہ پولیس کو فوری اور بروقت ہدایات جاری کی جائیں گی۔
- Advertisement -
شہریوں کو بھی مطلع کیا گیا ہے کہ وہ پولیس سے متعلق شکایات یا دیگر ممکنہ مشکلات و مسائل کے حل کے لیے مذکورہ نمبر پر واٹس ایپ کر سکتے ہیں، جس پر بروقت ریسپانس دیا جائے گا۔
