کینیڈین وزیراعظم جسٹن ٹروڈو نے اسرائیل کے ناقابلِ تلافی حملوں کے خلاف آواز اٹھاتے ہوئے پیغام جاری کردیا۔
7 اکتوبر کو حماس کی جانب سے اسرائیلی سر زمین پر حملے کی خبروں کے بعد اسرائیل نے غزہ پر تابڑ توڑ حملوں کا سلسلہ شروع کردیا جو تاحال جاری ہے۔
اسرائیل کی جانب سے فلسطینیوں پر کیے جانے والی بمباری میں اب تک 2500 افراد شہید ہوگئے ہیں اور اس تعداد میں ہر گزرتے لمحے کے ساتھ اضافہ ہو رہا ہے۔
دنیا بھر سے عام عوام اور معروف شخصیات اس دل دہلا دینے والی جنگ پر اپنی اپنی رائے کا اظہار کرتے نظر آرہی ہیں اور اب کینیڈین وزیراعظم جسٹن ٹروڈو بھی سامنے آئیں ہیں۔
Canada is deeply concerned by the dire humanitarian situation in the Gaza Strip. Unimpeded humanitarian access is essential to address the urgent needs of civilians. Canada calls for international law, including humanitarian and human rights law, to be respected.
— Justin Trudeau (@JustinTrudeau) October 15, 2023
کینیڈین وزیراعظم جسٹن ٹروڈو نے کہا کہ غزہ میں سنگین انسانی صورتحال پر گہری تشویش ہے، شہریوں کی فوری ضروریات کو پورا کرنے کیلئے انسانی رسائی ضروری ہے۔
کینیڈین وزیراعظم جسٹن ٹروڈو نے مزید کہا کہ کینیڈا انسانی حقوق کے قانون کا احترام کرنے کا مطالبہ کرتا ہے۔
