ممبئی: والی اداکارہ تریپتی دیمری کی فلم ’اینیمل‘ میں مختصر کردار ادا کرنے کے بعد ان کی مقبولیت میں ہوشربا اضافہ ہوا ہے۔
بھارتی میڈیا رپورٹ کے مطابق 2017 میں بالی ووڈ میں قدم رکھنے والی اداکارہ تریپتی دیمری کی مقبولیت میں فلم ’اینیمل‘ کے مختصر کردار نے ناقابل یقین اضافہ کردیا۔
یکم دسمبر کو ریلیز ہونے والی میگا ایکشن تھرلر فلم انیمل میں تریپتی دیمری نے رنبیر کپور کے مقابل مختصر کردار ادا کیا، اُنہوں نے اپنے اس کردار کے ذریعے لاکھوں لوگوں کو اپنا گرویدہ بنالیا۔
بھارتی میڈیا کے مطابق فلم ’انیمل‘ کی ریلیز سے قبل تریپتی دیمری کے انسٹاگرام فالوورز کی تعداد صرف 6 لاکھ تھی لیکن فلم کی ریلیز کے چند ہی دنوں بعد اُن کے فالوورز میں لاکھوں کا اضافہ ہوا ہے۔
کیا رنبیر کپور کی فلم ’اینیمل‘ کیلیے سارہ علی خان نے آڈیشن دیا تھا؟
تریپتی دیمری کے آفیشل انسٹاگرام اکاوْنٹ پر موجودہ فالوورز کی تعداد 3.1 ملین یعنی 30 لاکھ ے زائد ہوگئی ہے۔
واضح رہے کہ رنبیر کپور کی ’انیمل‘ نے انڈین باکس آفس پر تہلکہ مچایا ہوا ہے، یکم دسمبر کو ریلیز ہونے والی فلم اب تک پوری دنیا سے 500 کروڑ سے زائد کا بزنس کر چکی ہے۔
یاد رہے کہ 29 سالہ تریپتی دیمری نے بالی ووڈ میں 2017 میں کامیڈی فلم ’پوسٹر بوائے‘ سے ڈیبیو کیا تھا، جس کے بعد انہوں نے 2018 میں ’لیلیٰ مجنوں‘، 2020 میں ’بلبل‘ اور 2022 میں فلم ’کلاں‘ میں نمایاں کردار ادا کیا۔
