انسان کی اپنے بچپن سے انتہائی خوبصورت یادیں وابستہ ہوتی ہیں، کیونکہ بچپن کا سنہرا وقت ہوتا ہے جب ماں باپ محبت و شفقت سے اسکول بھیجتے ہیں، اپنے ہاتھوں سے کھانا کھلاتے اور گود میں سلاتے ہیں۔
جیسے جیسے انسان کی عمر بڑھتی جاتی ہے، آہستہ آہستہ اس کی طبیعت اور شکل و صورت میں بھی واضح تبدیلی نمودار ہوجاتی ہے۔
یہی وجہ ہے کہ آج ہم آپکے ساتھ ایک ایسی شخصیت کی تصویر شیئر کررہے ہیں جس نے کئی سالوں تک فلمی دنیا میں اپنے چاہنے والوں کے دلوں پر راج کیا۔
پہلی بار جب آپ اس تصویر کو دیکھیں گے تو ایسا معلوم ہوگا کہ یہ ایک عام سی بچی ہے، پر ایسا بالکل بھی نہیں ہے، کیونکہ یہ ایک مشہور بھارتی اداکارہ ”رانی مکھرجی“ کی تصویر ہے۔
مشہور و معروف بھارتی اداکارہ رانی مکھرجی نے فلم انڈسٹری میں اپنا بہت نام کمایا ہے، یہی وجہ ہے کہ ان کے دنیا بھر میں بڑی تعداد میں چاہنے والے موجود ہیں۔
لال، گلابی اور نیلے رنگ کے کپڑوں میں سر پر کلپ لگائے رانی مکھرجی کے بچپن کی یہ تصویر جو کوئی بھی دیکھتا ہے تو یہ کہنے پر مجبور ہو جاتا ہے کہ معروف بھارتی اداکارہ بچپن سے ہی انتہائی معصوم ہیں۔
یاد رہے ویسے تو رانی مکھرجی نے بہت سی فلموں میں اداکاری کے جوہر دکھائے۔ لیکن ان کی مشہور فلموں میں بچھو، نائیک،راجہ کی آئے گی بارات،کچھ کچھ ہوتا ہے، اور بنٹی اور ببلی وغیرہ سر فہرست ہیں۔
