دنیا بھر میں ایڈز سے بچاؤ کا عالمی دن منایا جارہا ہے

آج دنیا بھر میں لاکھوں جانوں کے قاتل مرض ایڈز سے بچاؤ کا دن منایا جارہا ہے، عالمی ادارۂ صحت نے پاکستان میں مہلک مرض بڑھنے کا الارم بجا دیا ہے۔

ایڈز سے بچاؤ کا عالمی دن منانے کا مقصد لوگوں میں اس مہلک مرض سے بچاؤ کیلئے احتیاطی تدابیر کے بارے میں شعور پید اکرنا ہے، ایڈز مختلف ذرائع سے ہوتا ہے، جو انسانی قوت مدافعت کو کم کردیتا ہے۔

ماہرین کا کہنا ہے کہ ایڈز کی بروقت تشخیص، علاج اور احتیاط سے اس مہلک مرض کا مقابلہ کیا جاسکتا ہے ۔ یہی وجہ ہے کہ عام آدمی کو اس مرض کے بارے میں شعور دینے کی ضرورت ہے۔

عالمی ادارۂ صحت کے مطابق دنیا بھر کے طبی ماہرین ابھی تک اس مرض پر قابو پانے میں ناکام رہے ہیں، دنیا بھر میں ایڈز کا شکار افراد کی تعداد بیس لاکھ سے بڑھ گئی ہے۔

Comments