بھارت کے مرشد آباد ضلع کے سوتی تھانے کی حدود میں واقع ریلوے ٹریک پر ٹک ٹاک ویڈیو بنانے کے دوران 3 طلبہ مال گاڑی کی زد میں آکر زندگی کی بازی ہار گئے، جبکہ دو شدید زخمی ہوگئے۔
غیر ملکی ذرائع ابلاغ کے مطابق افسوسناک واقعہ کی اطلاع ملتے ہی علاقے میں سوگ کی فضا پیدا ہوگئی ہے، جبکہ حادثے میں مرنے والے طلبہ کی شناخت سمیع الشیخ، امرال شیخ اور ریاض شیخ کے طور پر ہوئی ہے۔
ریلوے پولیس کی جانب سے تینوں طلباء کی لاشوں کو پوسٹ مارٹم کے لئے روانہ کردیا گیا ہے، مرنے والے طلباء اورنگ آباد کے ایک پرائیویٹ اسکول میں دسویں جماعت کے طالب علم تھے۔
مقامی افراد کا کہنا ہے کہ پانچوں طالب علم سوشل میڈیا پر پوسٹ کرنے کے لئے ریلوے لائن پر کھڑے ہوکر ویڈیو بنا رہے تھے، مال گاڑی نے متعدد بار ہارن بجائے مگر بچوں نے اس جانب کوئی توجہ نہیں دی۔
دوسری جانب بھارتی ریاست اترپردیش میں ایک اندوہناک واقعہ پیش آیا ہے جس میں بیوی نے سوتے ہوئے شوہر کو کرنٹ لگا کر مار ڈالا۔ 32 سالہ پریتی کو شواہا نے یہ عمل اس وقت انجام دیا جب اس کا شوہر خواب خرگوش کے مزے لے رہا تھا۔
35 سالہ نیرج جب سورہا تھا تو اس دوران اس کی بیوی پریتی نے شوہر کے انگوٹھے سے بجلی کی ننگی تار باندھ دی اور پلک کو ساکٹ میں داخل کرکے بٹن آن کردیا۔
اٹلی: غیرت کے نام پر بیٹی کو قتل کرنیوالے پاکستانی والدین کو عمر قید کی سزا
اس دوران وہ اپنے شوہر کو تڑپتا دیکھتا اور مرتا ہوا دیکھتا رہی۔ اپنے شوہر کو مارنے کے بعد پریتی ساری رات اس کی لاش کے ساتھ موجود رہی جبکہ صبح اس نے خود کو پولیس کے حوالے کردیا۔
