پاکستان پیپلزپارٹی نے بلوچستان سے متعدد امیدواروں کے نام فائنل کرلیے ہیں، قومی، صوبائی اسمبلی امیدواروں کے نام قیادت کو بھجوا دیے گئے۔
تفصیلات کے مطابق بلوچستان سے پاکستان پیپلزپارٹی کے متوقع امیدواروں کے ناموں پر غور جاری ہے۔ پارلیمانی بورڈ نے قومی اور صوبائی اسمبلی کے امیدواروں کے نام قیادت کو بھجوا دیے گئے ہیں۔
ذرائع کا کہنا ہے کہ این اے 252 سے سردار اسرار ترین کا نام تجویز کیا گیا ہے۔ این اے 262 کوئٹہ سے حاجی رمضان اچکزئی کا نام سامنے آیا ہے۔
پی بی 38 سے سکینہ عبداللہ، پی بی 39 سے شریف خلجی کا نام تجویز کیا گیا ہے۔ پی بی40 سے ہادی عسکری جبکہ پی بی 5 سے سربلند جوگیزئی کا نام پیش کیا گیا ہے۔
اس کے علاوہ پی بی 41 سے نورالدین کاکڑ، پی بی 42 سے طاہر محمود کا نام سامنے آیا ہے۔ پی بی 43 سے لیاقت لہڑی اور پی بی 44 سے عبید گورگیج کا نام تجویز کیا گیا ہے۔ پی بی 45 سے علی مدد جتک اور پی بی 46 ریاض شہوانی کا نام پیش کیا گیا ہے۔
این اے 263 سے روزی خان کاکڑ کا نام تجویز کیا گیا ہے جبکہ این اے 264 سے نوابزادہ جمال رئیسانی کا نام سامنے آیا ہے۔ این اے253 سے سردار ہربیار ڈومکی کا نام قیادت کو بھیجا گیا ہے۔
علاوہ ازیں پی بی 8 سے سرفراز ڈومکی، پی بی 9 سے میر نصیب اللہ کا نام تجویز کیا گیا ہے۔ پی بی 4 سے زادہ انعام کھیتران کا نام سامنے آیا ہے۔ پی بی 6 سے ملک شاہ خان ترین کا نام پیش کیا گیا ہے۔
