نئی دہلی: بھارت کے معروف موٹیویشنل اسپیکر وویک بندرا نے اپنی نئی نویلی دلہن کو تشدد کا نشانہ بنایا، جس کا مقدمہ درج کرلیا گیا ہے۔
غیر ملکی ذرائع ابلاغ کے مطابق بھارت کے معروف موٹیویشنل اسپیکر وویک بندرا کے خلاف ان کے سالے کی جانب سے کیس درج کرایا گیا، جس میں یہ الزام عائد کیا گیا کہ انہوں نے ان کی بہن کو کو شدید تشدد کا نشانہ بنایا ہے۔
بھارتی میڈیا کا کہنا ہے کہ وویک بندرا اور یانیکا کی شادی 6 دسمبر کو ہوئی تھی تاہم شادی کے چند گھنٹے بعد ہی وویک بندرا نے مبینہ طور پر یانیکا کو کمرے میں بند کرکے زدو کوب کیا اور ان کے بالوں کو بھی نوچا ۔
ایف آئی آر میں دعویٰ کیا گیا کہ تشدد کے باعث یانیکا کے جسم پر مبینہ طور پر گہرے زخم آئے ہیں اور ان کے کام کے پردے بھی متاثر ہوئے ہیں، جبکہ وویک بندرا نے اپنی ہونے والی بیوی کا فون بھی توڑ دیا ہے۔
اسکول جانے سے بچنے کیلئے طالبہ 33 گھنٹے تک بسں میں گھومتی رہی
واضح رہے کہ وویک بندرا اپنی کمپنی“بڑا بزنس پرائیویٹ لمیٹڈ”(بی بی پی ایل) کے ہیڈ ہیں، جبکہ سوشل میڈیا کے مختلف پلیٹ فارمز پر ان کے فالورز کی تعداد لاکھوں میں ہے۔
