دور دراز علاقوں میں سیلولر اور انٹرنیٹ کنیکٹیویٹی کو وسعت دینے کے لیے ایلون مسک کے اسپیس ایکس نے اسمارٹ فونز کو زمین کے نچلے مدار میں سیٹلائٹ سے براہ راست جوڑنے پر کام شروع کردیا ہے۔
غیر ملکی ذرائع ابلاغ کے مطابق سیٹلائٹس خاص طور پر غیر ترمیم شدہ اسمارٹ فونز سے براہ راست جڑنے کے لیے بنائے گئے ہیں۔ کمپنی نے 2 جنوری کو فالکن 9 خلائی جہاز پر StarLink سیٹلائٹ کا ابتدائی سیٹ لانچ کیا۔
کیلیفورنیا میں وینڈنبرگ اسپیس فورس بیس سے 21 میں سے کل 6 اسٹار لنک سیٹلائٹس فالکن 9 راکٹوں کے ذریعے چھوڑے گئے۔ کمپنی نے اپنے ابتدائی مرحلے میں صلاحیت کی جانچ شروع کرنے کے لیے ایک عارضی تجرباتی لائسنس حاصل کیا۔
اسپیس ایکس 2025 میں صوتی اور ڈیٹا کنیکٹوٹی کو فعال کرنے کے منصوبوں کو وسعت دے گا۔جبکہ اس سال سیلولر آپریٹرز کے ساتھ شراکت میں خلا سے ٹیکسٹنگ کی سہولت فراہم کرنے کا ارادہ رکھتا ہے۔
اسپیس ایکس سیٹلائٹس براہ راست سیل کی صلاحیتیں پیش کرنے کے لیے تیار ہیں، جس سے اسمارٹ فونز پر سیٹلائٹ براڈ بینڈ تک براہ راست رسائی ممکن ہوگی۔
گوگل پلے اسٹور نے 13 ایپس ہٹا دیں
کمپنی کی جانب سے آسٹریلیا، چلی، جاپان،کینیڈا، نیوزی لینڈ اور سوئٹزرلینڈ میں موبائل آپریٹرز کے ساتھ بھی شراکت داری کی گئی ہے۔امریکہ میں، SpaceX کے موبائل پارٹنر T-Mobile کے سپیکٹرم کو ابتدائی ڈائریکٹ ٹو سمارٹ فون ٹیسٹ کے لیے استعمال کیا جائے گا۔
