سوات: شہری علاقوں میں بارش جبکہ بالائی علاقوں میں برفباری کاسلسلہ دوسرے روز بھی جاری رہا، جس کے باعث سردی کی شدت میں مزید اضافہ ہوگیا۔
اے آر وائی نیوز کے مطابق ملم جبہ، کالام، مہوڈھڈ اور دیگر علاقوں میں برفباری کا سلسلہ جاری ہے، ملک بھر سے سیاح جنت نظیر سوات پہنچ گئے۔
دوسری جانب پنجاب میں دھند کے باعث آج بھی متعدد پروازوں کا شیڈل متاثر ہوگیا ہے، جدہ سے لاہور کی پرواز ایس وی 735 کو اسلام آباد میں اتار دیا گیا۔
- Advertisement -
اے آر وائی نیوز کے مطابق شدید دھند کے باعث علامہ اقبال انٹرنیشنل ایئرپورٹ پرفلائٹ آپریشن متاثر ہوا ہے، جدہ سے لاہور کی پرواز ایس وی 735 کو اسلام آباد میں اتار دیا گیا۔
پنجاب میں شدید دھند کے باعث فلائٹ آپریشن متاثر
اس کے علاوہ جدہ سے لاہور کی پرواز ای آر 822 کل سہ پہر ساڑھے 4 تک ملتوی کردی گئی ہے۔ لاہورسے جدہ کی پرواز ای آر821 کی روانگی میں 8 گھنٹے کی تاخیر ہوئی۔
