کراچی: پیپر آؤٹ ہونے کی وجہ سے سینئر اسکول ٹیچر کی پوسٹس کے لیے ہونے والا ٹیسٹ منسوخ کر دیا گیا۔
تفصیلات کے مطابق ترجمان ایس پی ایس سی نے کہا ہے کہ سینئر اسکول ٹیچر کی پوسٹوں کے لیے ہونے والا ٹیسٹ منسوخ کر دیا گیا ہے، کیوں کہ پیپر لیک ہونے کی اطلاعات ملی تھیں۔
ایس پی ایس سی کے اعلامیے میں کہا گیا ہے کہ کمیشن کی ساکھ کو برقرار رکھنے کے لیے ٹیسٹ منسوخ کرنے کا فیصلہ کیا گیا ہے، اعلامیے میں امیدواروں کو تحمل سے رہنے کی ہدایت بھی کی گئی ہے۔
- Advertisement -
ترجمان کا کہنا تھا کہ چیئرمین ایس پی ایس سی کی ہدایت پر پیپر آؤٹ ہونے کی تحقیقات کی جا رہی ہے، جب کہ منسوخ کیے گئے ٹیسٹ کی نئی تاریخ کا اعلان جلد کر دیا جائے گا۔
