کراچی: اللہ والا ٹاٶن میں بیوی کی لاش ڈرم میں پھینک کر فرار ہونے والے ملزم کو پولیس نے گرفتار کرلیا۔
تفصیلات کے مطابق کراچی کے علاقہ اللہ والا ٹاٶن میں بیوی کی لاش ڈرم میں پھینک کر فرار ہونے والے ملزم کو پولیس کی گشتی ٹیم نے فرار ہوتے ہوئے گرفتار کرلیا۔
پولیس کے مطابق ملزم بابو ولد نور احمد نے اپنی بیوی کے منہ پر تکیہ رکھ کر قتل کیا، ملزم چنیسر گوٹھ کا رہاٸشی ہے۔
- Advertisement -
اس واقعے سے متعلق پولیس کا کہنا ہے کہ خاتون کو ممکنہ طور پر غیرت کے نام پر قتل کیا گیا، ملزم کی گرفتاری کے بعد اس سے مزید تفتیش جاری ہے۔
دوسری جانب نیو کراچی انڈسٹریل ایریا پولیس نے مبینہ مقابلے کے بعد کامران نامی ڈاکو کو گرفتار کر کے اسلحہ، نقدی، موبائل فون اور موٹرسائیکل برآمد کرلی۔
کراچی میں ایک اور واقعہ بلوچ پل کے قریب پیش آیا جہاں فائرنگ سے ایک شخص جاں بحق ہوگیا۔
