ڈاکوؤں نے نوجوان سے اے ٹی ایم کا پاسورڈ معلوم کرنے کے بعد اس کے اکاؤنٹ سے 2 لاکھ روپے سے زائد رقم نکال لی۔
تفصیلات کے مطابق سکھر میں سائٹ تھانے کی حدود میں ڈاکوؤں نے اے ٹی ایم میں شہری سے لوٹ مار کی۔ نوجوان اے ٹی ایم سے رقم نکلوا رہا تھا کہ اسی دوران 2 ڈاکوؤں نے وہاں واردات کی۔
پولیس نے بتایا کہ ملزمان نے اسلحے کے زور پر نوجوان سے اے ٹی ایم کا پاسورڈ معلوم کیا، ملزمان نے اے ٹی ایم کارڈ کے ذریعے 2 لاکھ روپے سے زائد نقدی نکال لی۔
- Advertisement -
ڈاکوؤں نے رقم نکالنے کیلئے شہر کے مختلف اے ٹی ایمز کا استعمال کیا۔ ملزمان نے اے ٹی ایم کارڈ سے موٹر سائیکل میں پیٹرول بھی ڈلوایا۔
سکھر میں ڈاکوؤں کی جانب سے شہری سے اے ٹی ایم چھننے اور گاڑی میں پیٹرول ڈلوانے کی فوٹیج بھی منظرعام پر آگئی ہے۔
