کراچی: جناح انٹرنیشنل ایئرپورٹ کے رن وے کو ایک ماہ تک مخصوص اوقات کار میں بند رکھنے کا فیصلہ کیا گیا ہے، اس دوران رن وے پر سے ٹائروں کا ربڑ ہٹایا جائے گا۔
تفصیلات کے مطابق 4 اپریل سے 3 مئی 2024 تک مختلف اوقات کار میں کراچی جناح انٹرنیشنل ایئرپورٹ کا مرکزی رن وے بند رہے گا، سی اے اے نے پیر سے جمعہ تک مختلف اوقات کار میں رن وے بند رکھنے کے احکامات جاری کر دیے۔
جاری نوٹم کے مطابق پیر کے روز صبح 9 سے 11 بجے تک رن وے بند رکھا جائے گا، منگل کو صبح 8 سے 12 بجکر 30 منٹ تک رن وے کو بند رکھا جائے گا، بدھ کو صبح 9 سے 12 بجکر 30 منٹ تک بند رکھا جائے گا۔
جعمرات کو صبح 7 بجکر 30 منٹ سے لے کر صبح 10 بجے تک بند رکھا جائے گا، جعمہ کے روز صبح 9 بجے سے صبح 11 بجکر 30 منٹ تک بند رکھا جائے گا۔
ربڑ ہٹانے کی مہم کے دوران ہفتہ اور اتوار کو کام نہیں کیا جائے گا، مرکزی رن وے کی بندش کے دوران سیکنڈری رن وے پر پروازیں آپریٹ کی جائیں گئیں۔
