فلسطینی نژاد امریکی ماڈل بیلا حدید اور ان کے اہل خانہ کو ایک بار پھر قتل کی دھمکیاں موصول ہوئی ہیں۔
تفصیلات کے مطابق حال ہی میں امریکی ماڈل بیلا حدید نے اسرائیلی وزیر کو فلسطین مخالف بیان دینے پر سوشل میڈیا پر آڑے ہاتھوں لے لیا تھا۔
انہوں نے اپنی انسٹااسٹوری میں فلسطین کے وجود سے انکار کرنے والی اسرائیلی وزیر کو اپنے والد کا پاسپورٹ چیک کرنے کی پیشکش کی تھی۔
جس کے بعد فلسطینی نژاد امریکی ماڈل بیلا حدید اور ان کے اہلخانہ کو غزہ میں اسرائیلی نسل کشی کے خلاف مسلسل آواز اٹھانے کی وجہ سے ایک بار پھر قتل کی دھمکیاں موصول ہوئی ہیں۔
انہوں حالیہ انٹرویو میں بتایا کہ میرے اہل خانہ کو فلسطینی ہونے اور اسرائیل کی کھل کر مخالف کرنے کی وجہ سے دھمکیاں موصول ہورہی ہیں لیکن میں خوفزہ ہوکر خاموش نہیں بیٹھوں گی۔
View this post on Instagram
فلسطینی نژاد امریکی ماڈل بیلا حدید نے مزید کہا کہ میں اب بھی اس مقصد سے پیچھے ہٹنے والی نہیں ہوں، میں مظلوم فلسطینوں کے ساتھ ہوں۔
واضح رہے کہ یہ پہلا موقع نہیں تھا جب فلسطینی نژاد امریکی ماڈل نے فلسطین کی حمایت کی ہو بلکہ اس سے قبل بھی بیلا حدید اور ان کی بہن جیجی حدید بھی اسرائیلی نسل کشی کے خلاف مسلسل آواز بلند کرتی رہی ہیں۔
