لاہور: وزیر اعلیٰ مریم نواز کی ہدایت پر جینیاتی بیماری میں مبتلا بچے کو علاج کے لیے رقم مل گئی۔
تفصیلات کے مطابق وزیر اعلیٰ پنجاب کی ہدایت پر 2 سالہ محمد معاذ کو علاج کے لیے 68 لاکھ 62 ہزار روپے مل گئے، وزیر بلدیات ذیشان رفیق نے معاذ کے گھر جا کر وزیر اعلیٰ کی جانب سے صحت یابی کا پیغام دیا۔
سیالکوٹ کے رہائشی محمد عثمان نے مریم نواز سے بچے کے علاج کی اپیل کی تھی، دو سالہ محمد معاذ کو پیدائشی طور پر جینیاتی بیماری ایم پی ایس ٹائپ 9 لاحق ہے، مریم نواز کی ہدایت پر کمسن محمد معاذ کا چلڈرن اسپتال لاہور میں علاج کیا جا رہا ہے۔
- Advertisement -
کمسن مریض معاذ کے والد عثمان نے وزیر اعلیٰ مریم نواز کا شکریہ ادا کیا، انھوں نے کہا میرے بیٹے کی جان بچانے پر مریم نواز کا شکریہ ادا کرنے کے لیے میرے پاس الفاظ نہیں ہیں۔
