اسلام آباد : بینظیرانکم سپورٹ پروگرام کی رقوم کی بینک اکاؤنٹس میں براہ راست منتقلی کا فریم ورک جاری کردیا، جس کے تحت افراد بینکوں کی برانچوں میں سہولت اکاؤنٹ کھول سکیں گے۔
تفصیلات کے مطابق بینظیرانکم سپورٹ پروگرام کی رقوم کی بینک اکاؤنٹس میں براہ راست منتقلی کا فریم ورک جاری کردیا گیا ، اسٹیٹ بینک نےرقوم کی بینک اکاؤنٹس میں براہ راست منتقلی کا فریم ورک جاری کیا۔
پروگرام میں شامل افراد اپنے علاقے کے بینکوں کی برانچوں میں سہولت اکاؤنٹ کھول سکیں گے ، بی آئی ایس پی کے تقریباً 30 ہزار استفادہ کنندگان کے اکاؤنٹس کھولے جائیں گے۔
وفاقی وزیر جام کمال نے بتایا کہ تقریباً 9.3 ملین افراد بی آئی ایس پی سہولت اکاؤنٹ کھول سکیں گے، ملک بھر کے تمام بینکوں ، مائیکروفنانس بینکوں میں اکاؤنٹ کھولا جا سکے گا۔
ان کا کہنا تھا کہ سہولت فریم ورک بی آئی ایس پی اور بینکوں کی مشاورت سے تیار کیا گیا ہے، ابتدائی طور پر ایک پائلٹ مرحلہ کراچی اور لاہور میں شروع کیا جائے گا۔
