اسلام آباد : اسلام آباد پولیس نے رؤف حسن کی گرفتاری کی تصدیق کر دی اور کہا گرفتاری کی وجہ ابھی نہیں بتاسکتے۔
تفصیلات کے مطابق اسلام آباد پولیس نے پی ٹی آئی رہنما رؤف حسن کی گرفتاری کی تصدیق کرتے ہوئے کہا ان کو کس کیس میں گرفتار کیا ابھی نہیں بتا سکتے۔
پولیس ذرائع نے بتایا کہ پی ٹی آئی سیکریٹریٹ سے ترجمان پی ٹی آئی کو حراست میں لیا اور مرکزی دفتر سے کمپیوٹراور ریکارڈ ضبط کرلیا ہے جبکہ پی ٹی آئی سیکریٹریٹ کے اطراف انٹرنیٹ سروس بھی متاثر ہے۔
یاد رہے اس سے قبل خبر تھی کہ اسلام آباد پولیس کی بھاری نفری پی ٹی آئی کے مرکزی سیکریٹریٹ پر پہنچی اور چیئرمین پی ٹی آئی بیرسٹر گوہر اور پارٹی ترجمان کوحراست میں لے لیا ہے۔
بعد ازاں سینیٹ میں اپوزیشن لیڈر شبلی فراز نے دونوں کو حراست میں لینے کی تصدیق کرتے ہوئے کہا تھا کہ پولیس والے دونوں کوساتھ لے گئے ہیں، وجہ نہیں بتائی، ان کے موبائل فونزبھی لے لیے ہیں۔
