آسٹریلیا نے انگلینڈ کو پہلے ون ڈے میں 7 وکٹوں سے شکست دیدی، میچ میں انگلینڈ کی ٹیم نے پہلے کھیلتے ہوئے 315 رنز بنائے تھے۔
انگلینڈ اور آسٹریلیا کے درمیان ناٹنگھم میں جاری ون ڈے سیریز میں انگلینڈ کے بلے باز بین ڈکیٹ نے 95 اور ول جیکس نے 62 رنز اسکور کئے۔
آسٹریلیا کی جانب سے ایڈم زمپا اور مارنس لبوشین نے تین تین کھلاڑیوں کو پویلین کی راہ دکھائی۔
آسٹریلیا نے 316 رنز کا ہدف 45 ویں اوور میں 3 وکٹوں کے نقصان پر حاصل کرلیا، ٹریوس ہیڈ 154 رنز بناکر ناٹ آؤٹ رہے، مارنس لبوشین نے ناقابل شکست 77 رنز اسکور کیے۔
واضح رہے کہ آسٹریلیا نے پانچ میچوں کی سیریز میں 0-1 کی برتری حاصل کرلی ہے۔
دوسری جانب چیمپئنز ون ڈے کپ میں شامل ٹیم پینتھرز کے لیے بُری خبر ہے کہ اس کے کپتان شاداب خان اور آل راؤنڈر اسامہ میر بیمار ہو گئے ہیں۔
پینتھرز کے کپتان شاداب خان اور بولنگ آل راؤنڈر اسامہ میر بخار میں مبتلا ہو گئے ہیں اور دونوں کھلاڑیوں کو طبی معائنے اور ٹیسٹ کے لیے جڑانوالہ روڈ پر نجی اسپتال بھی لے جایا گیا۔
ویسٹ انڈین بیٹر نے 124 میٹر لمبا بلند و بالا چھکا لگادیا، ویڈیو وائرل
ذرائع نے بتایا کہ طبی معائنے اور ٹیسٹ کے بعد دونوں کھلاڑی اسپتال سے واپس ہوٹل آ گئے ہیں۔
