بلوچستان اسمبلی نے صوبہ کو 24 گھنٹے بلا تعطل بجلی فراہم کرنے کی قراردادمتفقہ طور پر منظور کر لی۔
قرارداد میں مطالبہ کیا گیا ہے کہ وفاق صوبہ کو آفت زدہ قرار دیکر بجلی کے واجبات معاف کرے، بلوچستان سے بجلی پیدا ہوتی ہے۔ یہاں 24 گھنٹے بلا تعطل بجلی فراہم کی جائے۔
ایران سے مکران کو ملنے والی بجلی 200 سے کم کرکے 10 میگاواٹ کر دیا گیا ہے ایران سے مکران کو ملنے والی بجلی ایرانی قیمت پر فراہم کی جائے۔
مولانا ہدایت الرحمن کی جانب سے پیش کی گئی قرارداد پر حکومتی اور اپوزیشن جماعتیں یک زبان ہوئیں۔ ارکان اسمبلی نے کہا کہ قرارداد بالکل درست ، گیس کی بندش ختم کرنے کا مطالبہ بھی شامل کیا جائے ہم آئی پی پیز کے بل ادا نہیں کریں گے دنیا کہاں پہنچ گئی ہم اس جدید دور میں گیس بجلی کیلئے رو رہے ہیں۔
اسمبلی اجلاس کی صدارت کرنے والے چیئرمین خیر جان بلوچ نے رولنگ دیتے ہوئے کہا کہ وزیراعلی بلوچستان کمیٹی بنا کر وزیراعظم کے ساتھ گیس اور بجلی کے مسئلے پر بات کریں۔
