اسلام آباد : 24 نومبر کے احتجاج کیس میں گرفتار 300 سے زائد پی ٹی آئی کارکنان کو آج عدالت میں پیش کیا جائے گا۔
تفصیلات کے مطابق پی ٹی آئی کے 24 نومبر کو ہونے والے احتجاج کے دوران گرفتار کئے گئے تین سو زائد کارکنان کو آج انسداد دہشت گردی عدالت میں پیش کیا جائے گا۔
ملزمان کی جانب سے ملک فیصل ایڈوکیٹ اور غلام مرتضی حسنین سنبل عدالت میں پیش ہوں گے۔
- Advertisement -
نیو ٹاون سے 79، نصیر آباد سے 76 اور واہ کینٹ سے 23، ٹیکسلا سے 78، صدر واہ سے 64 اور صادق آباد سے 77 کارکنان کو عدالت لایا جائے گا۔
دوران سماعت پولیس کی جانب سے گرفتار کارکنان کے جسمانی ریمانڈ کی استدعا کی جائے گی۔
کارکنان پر توڑ پھوڑ، ہنگامہ آرائی، جلاو گھیراو اور پولیس اہلکاروں پر حملے کا الزام ہے۔
گرفتار کارکنان کی پیشی کے موقع پر انسداد دہشت گردی کے باہر پولیس کی بھاری نفری تعینات کر دی گئی ہے۔
