امریکی شہر لاس اینجلس کے جنگلات میں لگی خوفناک آگ سے متعلق ماہرین کا کہنا ہے کہ آگ بھڑک اُٹھنے کے اسباب میں اہم عنصر موسمیاتی تبدیلی تھا۔
بین الاقوامی خبر رساں ادارے کی رپورٹ کے مطابق امریکی اور یورپی سائنسدانوں کی مشترکا تحقیقی رپورٹ اور ورلڈ ویدر ایٹریبیوشن کی رپورٹ میں کہا گیا ہے کہ موسمیاتی تبدیلی نے آگ لگنے کے امکانات میں 35فیصد اضافہ کیا۔
رپورٹ میں کہا گیا ہے کہ جنگلات میں لگنے والی آگ بہت پیچیدہ ہیں، موسمیاتی تبدیلی کے سبب گرم اور خشک موسم مرکزی عنصر بنتا جارہا ہے۔ گرم اور خشک موسم جنگلات کی آگ کے خطرے کو بڑھا رہا ہے۔
واضح رہے کہ امریکی ریاست کیلیفورنیا میں مزید پانچ مقامات پر آگ بھڑک اٹھی ہے جس کے بعد مزید پچاس ہزار افراد کو نقل مکانی کی ہدایات جاری کی گئی ہیں۔
لاس اینجلس، سان ڈیاگو، وینچورا اور ریوَر سائیڈ کاؤنٹیز میں 5 مقامات پر لگنے والی آگ کو لاگونا، سیپولویدا، گبل، گلمن اور بارڈر 2 فائر کے نام دیے گئے ہیں۔
سعودی عرب میں ٹریفک حادثہ، 9 بھارتی شہری ہلاک
امریکی ریاست میں گزشتہ چند ہفتوں کے دوران لگنے والی خوفناک آگ نے تباہی مچا دی ہے، پیلیسیڈس اور ایٹن میں لگنے والی آگ نے مجموعی طور پر 40 ہزار ایکڑ سے زائد رقبے جلا کر خاکستر کر دیا اور کم از کم 28 افراد ہلاک ہوچکے ہیں۔
