ممبئی: بھارتی تامل فلموں کی اداکارہ پونم کور نے دورہ پاکستان کے دوران بنائی گئی شارٹ ڈاکومینٹری ریلیز کردی۔
تفصیلات کے مابق بھارتی اداکارہ نے کرتارپور راہداری کھولنے کے فیصلے کو دونوں ملکوں کے درمیان امن کا راستہ قرار دیا ہے، پونم کور نے گزشتہ ماہ 21 سے 30 نومبر تک پاکستان کا دورہ کیا تھا۔
اس دورے کے دوران انہوں نے پاکستان کے بارے میں ایک شارٹ ڈاکومینٹری بھی بنائی جس کو گزشتہ دنوں ریلیز کیا گیا، پونم کپور نے کرتارپور راہداری کھولنے کی تقریب میں شرکت کی تھی اس کے ساتھ انہوں نے سکھوں کے اہم مقامات پر حاضری بھی دی۔
''Shukriya'' @ImranKhanPTI '' allah ney aapko #pakistan ko badalney ka mauka diya hai , mein dil sey chahti hoon aap ismey kamyaab ho '' …aap ney sahi Kaha hai maazi mein rehney sey acha hum aaj badley hamari aaney wali generations k liye #waheguru 😇#peace #love https://t.co/WSySi7y86d
— Poonam Kaur Lal (@poonamkaurlal) December 13, 2018
پونم کور نے یہ ڈاکومینٹری سکھ مذہب سے تعلق رکھنے والوں کو پیغام دینے کے لیے بنائی ہے کہ وہ پاکستان ضرور آئیں۔
دستاویزی فلم کا دورانیہ تقریباً 4 منٹ 36 سیکنڈ کا ہے جس میں انہوں نے وزیراعظم عمران خان کا شکریہ ادا کیا اور سابق بھارتی کرکٹر سدھو سے محبت کا اظہار کیا، پونم نے شاعر مشرق علامہ اقبال کے ایک شعر کے ذریعے اپنے پیغام کو اجاگر کیا۔
اداکارہ نے ٹویٹر پیغام میں کہا کہ عمران خان اللہ نے آپ کو پاکستان بدلنے کا موقع دیا ہے، میں دل سے چاہتی ہوں کہ وہ اس میں کامیاب ہوں، آپ صحیح کہتے ہیں کہ ماضی میں رہنے سے اچھا ہے ہم آج بدلیں ہماری آنے والی نسلوں کے لیے۔
انہوں نے لکھا کہ پاکستانیوں کی محبت واقعی لاجواب ہے اسے بھلایا نہیں جاسکتا، پاکستان ٹیلی وژن نے بھی پونم کور کے اس امن کے جذبے کی ویڈیو دکھائی ہے۔
