معروف بھارتی کمنٹیٹر اور سابق کھلاڑی آکاش چوپڑا نے ٹی 20 ورلڈ کپ 2024 میں روہت شرما کی کپتانی سے متعلق بڑا دعویٰ کیا ہے۔
بھارتی میڈیا رپورٹ کے مطابق معروف بھارتی کمنٹیٹر اور سابق کھلاڑی آکاش چوپڑا نے دعویٰ کیا ہے کہ اگر روہت شرما ٹی 20 ورلڈ کپ کھیلتے ہیں تو ٹیم کی کپتانی کی کمان بھی ان کے سپرد کی جائے گی۔
سابق بھارتی کھلاڑی کا کہنا تھا کہ اگر آل راؤنڈر ہاردیک پانڈیا انجری کے بعد ٹیم پلئینگ 11 کا حصہ بن بھی گئے تو اسٹار بلے باز روہت شرما ہی بھارت کی قیادت کریں گے۔
ٹی 20 ورلڈ کپ، پاک بھارت ٹاکرے کی پوسٹ پر بھارتی کیوں جَل بُھن گئے؟
انہوں نے کہا کہ افغانستان کے خلاف ٹی 20 سیریز میں روہت کو کپتان مقرر کیا گیا ہے، روہت شرما اب کپتان ہیں اور مجھے لگتا ہے کہ وہ ورلڈ کپ میں بھی کپتان ہوں گے، اگر وہ ورلڈ کپ کھیلتے ہیں تو کپتان روہت ہی ہوگا ۔
انہوں نے اپنے تبصرے میں مزید کہا کہ ’ یہ مت سوچیں کہ ہاردیک واپس آنے کے بعد کپتان بن جائیں گے، میں اس بات کو لکھ کر دے سکتا ہوں کہ اگر وہ واپس آئے بھی تو بطور کھلاڑی ٹیم کا حصہ ہوں گے۔
