رواں سال ورلڈ کپ ٹی 20 میں پاک بھارت ٹاکرے کے شیڈول اور پوسٹ جاری ہوتے ہی بھارتی شائقین کا ایسا ردعمل آیا ہے کہ گویا انہیں آگ لگ گئی ہو۔
انٹرنیشنل کرکٹ کونسل نے جون میں امریکا اور ویسٹ انڈیز کی مشترکہ میزبانی میں والے ٹی ٹوئنٹی ورلڈ کپ کے شیڈول کا اعلان کیا تھا۔ شیڈول کے باضابطہ اعلان سے قبل براڈ کاسٹر نے پاک بھارت ٹاکرے کی ایک پوسٹ شیئر کی جس کے بعد بھارتی ایسے آگ بگولہ ہوئے کہ جیسے کوئی طوفان آگیا ہو۔
پاک بھارت ٹاکرے کی پوسٹ میں براڈ کاسٹر نے پاکستان کے کپتان شاہین آفریدی اور بھارت کے کپتان کے طور پر ہاردیک پانڈیا کو دکھایا گیا ہے جس پر بھارتی شائقین نے کڑی تنقید شروع کر دی ہے۔
It's the game we've all been waiting for! #TeamIndia takes on #Pakistan in the #T20WorldCup2024 in New York!
It can't get any better than this!Will claim their 7️⃣th T20 WC victory over their arch rivals?#Cricket pic.twitter.com/a8BDiIZFJ4
— Star Sports (@StarSportsIndia) January 5, 2024
بھارتی شائقین اس بات پر برہم ہیں کہ ٹی ٹوئنٹی ورلڈ کپ کے بھارتی ٹیم کی قیادت کی تبدیلی کا اعلان نہیں کیا گیا تو براڈ کاسٹر نے کیسے روہت شرما کی جگہ ہاردیک پانڈیا کو کپتان کے طور پر دکھایا ہے۔
دوسری جانب سابق کرکٹر و کمنٹیٹر آکاش چوپڑا نے بھی اس معاملے پر لب کشائی کرتے ہوئے خدشہ ظاہر کیا ہے کہ ٹی 20 ورلڈ کپ سے قبل ہاردیک پانڈیا کی انجری انہیں میگا ایونٹ سے باہر کر سکتی ہے اور مجھے نہیں لگتا کہ وہ میگا ایونٹ میں بطور کپتان ٹیم کے ساتھ ہوں گے۔ ٹی ٹوئنٹی ورلڈ کپ میں بھارتی ٹیم کی قیادت روہت شرما ہی کریں گے۔
