ممبئی: بالی ووڈ کے مسٹر پرفیکشنسٹ عامر خان اور چائلڈ اسٹار درشیل سفارے کی سامنے آنے والی منفرد کرداروں کی تصاویر کی حقیقت سامنے آگئی۔
’تارے زمین پر‘ کے چائلڈ اسٹار اداکار درشیل سفارے نے اپنے آفیشل انسٹاگرام ہینڈل پر عامر خان کی چند تصاویر پوسٹ کی تھیں جن میں اداکار کو منفرد کرداروں میں دیکھا گیا۔
تصاویر میں عامر خان جنگلی کے روپ میں نظر آئے، اُن کے ایک ہاتھ میں پتھر جبکہ دوسرے ہاتھ میں آگ لگی لکڑی ہے، دیگر کرداروں میں اُنہیں خلا میں اور ساتھ ہی چھوٹا طیارہ اُڑاتے ہوئے دیکھا جاسکتا ہے۔
View this post on Instagram
تصاویر وائرل ہونے کے بعد یہ قیاس آرائیاں کی جارہی تھی کہ بالی ووڈ سُپر اسٹار عامر خان فلم ’لال سنگھ چڈھا‘ کے بعد اب اپنی نئی فلم ’تارے زمین پر‘ کے سیکوئل’ستارے زمین پر‘ کام شروع کردیا ہے۔
درشیل سفارے نے عامر خان کی تصویروں کا ایک سیٹ شیئر کرتے ہوئے لکھا تھا کہ ’’یہ عامر کا ملٹی ویرس ہے، اور ہم سب اس میں رہ رہے ہیں ‘‘۔
View this post on Instagram
لیکن عامر خان اور درشیل سفاری کی وائرل ہونے والی تصاویر ایک اشتہار کی ہے جس میں اداکار عامر خان اور درشیل سفاری 2007 کی فلم تارے زمین پر میں اداکاری کے 16 سال بعد دوبارہ اکٹھے ہوئے۔
View this post on Instagram
اداکار درشیل سفاری نے اپنے انسٹاگرام پر اشتہار شیئر کیا جس میں عامر خان دادا کا کردار ادا کرتے نظر آئے، جو اپنی زندگی کے تمام مسائل کا حل تلاش کرتا ہے۔
واضح رہے کہ 2007 میں عامر خان کی ہدایتکاری میں بننے والی فلم ‘تارے زمین پر’ میں درشیل سفاری نے بچے ایشان اوستھی کا کردار ادا کیا تھا جو کہ ڈسلیکسیا جیسی بیماری کا شکار تھا۔
اس فلم میں عامر خان نے آرٹ ٹیچر رام شنکر کا کردار ادا کیا۔ یہ فلم ایشان کی زندگی کے گرد گھومتی تھی جس کی خراب تعلیمی کارکردگی کی وجہ سے اس کے والدین اسے بورڈنگ اسکول بھیج دیتے ہیں ، جہاں پھر رام شنکر اسے پڑھنے لکھنے میں مدد اور اس کے اندر چھپے ٹیلنٹ کو باہر نکالتے ہیں۔
یہ بھی یار رہے کہ فلم ‘لال سنگھ چڈھا’ کی ناکامی کے بعد فلم نگری سے کچھ عرصہ وقفہ لینے کے بعد عامر خان نے اب اپنے اگلے پروجیکٹ کا اعلان کیا تھا، انہوں نے کہا تھا کہ ان کی آنےو الی فلم کا نام ’ستارے زمین پر ‘ہے، یہ فلم 2007 میں ریلیز ہونے والی فلم ’تارے زمین پر‘ کی تھیم سے ملتی جلتی ہوگی۔
