ممبئی: بالی ووڈ اداکار مسٹر پرفیکشنسٹ عامر خان کی فلم ٹھگ آف ہندوستان کا موشن پوسٹر ریلیز کردیا گیا۔
بھارتی میڈیا کے مطابق مسٹر پرفییکشنسٹ عامر خان کی فلم ٹھگ آف ہندوستان کا موشن پوسٹر سامنے آگیا ہے، فلم کی ہدایت کاری وجے کرشنا اچاریا نے انجام دی ہے جبکہ اسے یش راج کے بینر تلے پروڈیوس کیا گیا ہے۔
فلم کو میڈوس ٹیلر کے 1839 کے ناول سے متاثر ہوکر بنایا گیا ہے، فلم میں عامر خان ایک بے اصول اور بے ایمان شخص کا کردار نبھا رہے ہیں، جو دولت اور کامیابی کے لیے کچھ بھی کرسکتا ہے، یہ ایک ایسا کردار ہے جو عامر خان پہلی مرتبہ نبھا رہے ہیں۔
عامر خان کا اپنا بیان میں کہنا تھا کہ اس فلم میں کوئی پیغام یا سبق نہیں ہے، یہ ایک بھرپور کمرشل فلم ہے جس کا مقصد عوام کو عمدہ تفریح فراہم کرنا ہے، وہ چاہتے ہیں کہ ناظرین اپنے اہل خانہ کے ساتھ آئیں اور فلم کو انجوائے کریں۔
This Diwali, hold on to your hearts because the Thugs are coming. @TOHTheFilm releasing on 8th November, 2018. @SrBachchan | @aamir_khan | #KatrinaKaif | @fattysanashaikh | #VijayKrishnaAcharya | #ThugsOfHindostan pic.twitter.com/TIEdLn2tqx
— Yash Raj Films (@yrf) September 17, 2018
میگا بجٹ فلم میں امیتابھ بچن بھی اہم کردار نبھا رہے ہیں اور توقع کی جارہی ہے کہ وہ بھی انوکھے انداز میں جلوہ گر ہوں گے، دیگر اداکاروں میں کترینا کیف، فاطمہ ثنا شیخ، رونیت رائے، ششانک اروڑا شامل ہیں۔
ٹریڈ اینالسٹ ترن آدرش نے ٹویٹر پر فلم کا پوسٹر شیئر کرتے ہوئے کہا کہ فلم ریلیز کے چار دنوں میں اچھا بزنس کرے گی جبکہ باہو بلی نے فلم کی ریلیز کے پہلے ہی روز 41 کروڑ کا بزنس کیا تھا۔
وجے کرشنا اچاریا کی ہدایت کاری میں عامر خان اور کترینا کیف دوسری بار کام کررہے ہیں اس سے قبل دھوم تھری میں دونوں اداکاروں نے کرشنا اچاریا کے ساتھ کام کیا تھا۔
یاد رہے کہ عامر خان کی فلم دنگل بالی ووڈ کی تاریخ کی سب سے زیادہ بزنس کرنے والی فلم ہے جبکہ ٹھگ آف ہندوستان 8 نومبر کو بڑے پردے پر پیش کی جائے گی۔
