ایشین کرکٹ کونسل کے صدر نے ایشیا کپ کے حتمی شیڈول کا اعلان کردیا۔
تفصیلات کے مطابق ایشیا کپ کا انعقاد 27 اگست سے ہوگا جبکہ روایتی حریف پاکستان اور بھارت کی ٹیمیں 28 اگست کو دبئی میں ٹکرائیں گی۔
قومی ٹیم اپنا دوسرا میچ 2 ستمبر کو کوالیفائی کرنے والی ٹیم سے کھیلے گی۔
میگا ایونٹ میں 13 مقابلے ہوں گے جبکہ فائنل 11 ستمبر کو کھیلا جائے گا۔
واضح رہے کہ گزشتہ دنوں قومی ٹیم کے کپتان بابر اعظم کا کہنا تھا کہ یو اے ای کی کنڈیشن سے واقف ہیں کوشش ہوگی ایشیا کپ میں اچھی کارکردگی کا مظاہرہ کریں۔
Cricketing fans! Get ready to witness Asia’s best, battling it out to become Asia’s best!🔥👊 Here’s how this year’s Men’s Asia Cup is lined up. Mark your calendars📆 Tell us in the comments, which team are you supporting?#ACC #cricketlove #cricket #AsiaCup2022 pic.twitter.com/DYTBjXnFke
— AsianCricketCouncil (@ACCMedia1) August 2, 2022
ان کا کہنا تھا کہ ورلڈ کپ بھی یو اے ای میں ہوا تھا جس میں ہماری کارکردگی اچھی رہی تھی۔
بابراعظم کا کہنا تھا کہ ٹیسٹ سے ون ڈے کرکٹ میں جانے پر مائنڈ سیٹ چینج کرنا پڑتا ہے، نیدرلینڈز سیریز کے لیے چار پانچ دن بعد کیمپ شروع ہورہا ہے کوشش ہے کہ تربیتی کیمپ میں پریکٹس میچ بھی کھیلیں۔
