تکنیکی مسائل کی وجہ سے بھارتی فضائیہ میں حادثات معمول بن گئے ہیں، 12 مارچ کو تیجا (Tejas) جنگی جہاز بھاتی ریاست راجستھان کے علاقے میں جاری بھارت شکتی مشقوں کے دوران گر کر تبا ہوا، بھارتی حکام نے ابتدائی رپورٹ جاری کرتے ہوئے کہا ہے کہ حادثہ تیجا طیارے کا انجن فیل ہونے کے باعث پیش آیا۔
بھارتی میڈیا کے مطابق حفاظتی لینڈنگ کے ساز و سامان کی عدم موجودگی بھی طیارہ حادثے کا باعث بنی، حال ہی میں کچھ ممامک کی جانب سے بھارت کو پرانی جہازوں کی مشینری پر تشویش کا اظہارکرتے ہوئے اسے اپ گریڈ کرنے کا بھی کہا گیا ہے۔
جہاز کے زیادہ وزن کی وجہ سے زیادہ ایئر اسپیڈ حاصل کرنا ناممکن ہے اور جہاز کے سافٹ ویئرز کے مسائل کی وجہ سے سیلف پروٹیکشن جیمر(Self Protection Jammer) کی قابلیت بھی مشکوک ہے، جہاز کے ایئر فریم (Airframe) کی ساخت اور بناوٹ میں خامیوں کی وجہ سے ہائی انٹینسٹی آپریشن (High Intensity Operation) میں شمولیت میں بھی شکوک و شبہات ہیں۔
جہاز میں سوفٹ ویئر کے حوالے سے مسائل کے علاوہ جدید ویپن سسٹم کے انضمام میں بھی مشکلات کا سامنا ہے، رپورٹ کے مطابق تیجا طیارے کی اڑان سے قبل ہی طیارے میں تکنیکی خرابیوں کے ساتھ ساتھ الیکٹرانک خرابیاں بھی تھیں، جس کے باعث حادثہ پیش آیا۔
بھارتی فضائیہ میں تکینکی مسائل کی وجہ سے حادثات اب روز کا معمول بن گیا ہے، گزشتہ سال بھی راجستھان میں بھارتی فضائیہ کا لڑاکا طیارہ مشق کے دوران گر کر تباہ ہو گیا تھا، تیجا طیارے کے تباہ ہونے کے بعد ایک بار پھر بھارتی فضائیہ کی نااہلی، جہازوں میں سافٹ ویئرز اور بناوٹ کے مسائل پوری دنیا پر عیاں ہو چکے ہیں۔
تکنیکی مسائل اور حادثات کے وجہ سے کئی ممالک بھارت سے جہازوں کی برآمدات کے حوالے سے تشویش اور تذبذب کا شکار ہیں۔
