site
stats
پاکستان

نوازشریف کےخلاف العزیزیہ ریفرنس کی سماعت کل تک ملتوی

Nawaz Sharif

اسلام آباد : احتساب عدالت نے نا اہل سابق وزیراعظم میاں محمد نوازشریف کے خلاف نیب کی جانب سے دائر العزیزیہ ریفرنس کی سماعت کل تک ملتوی کردی۔

تفصیلات کے مطابق احتساب عدالت کے جج محمد بشیر نے بشیر نے نیب کی جانب سے دائر العزیزیہ اسٹیل ملز ریفرنس کی سماعت کی۔

سماعت میں سابق وزیراعظم نوازشریف کے وکیل خواجہ حارث عدالت نہ پہنچ سکے جبکہ استغاثہ کے گواہ ملک طیب بھی راستے بند ہونےکے باعث عدالت نہ پہنچ سکے۔

احتساب عدالت نے گواہ اور ملزمان کی عدم پیشی پر سماعت بغیر کارروائی کے کل تک کے لیے ملتوی کردی۔


احتساب عدالت میں شریف خاندان 28 نومبر کو دوبارہ طلب


خیال رہے کہ گزشتہ سماعت پر سابق وزیراعظم نوازشریف نے حاضری سے استثنیٰ کی تاریخوں میں تبدیلی کی درخواست کی تھی جس پرعدالت نے نیب سے جواب طلب کیا تھا۔

یاد رہے کہ نا اہل وزیراعظم نوازشریف 7 مرتبہ جبکہ ان کی صاحبزادی مریم نواز اور داماد کیپٹن ریٹائرڈ صفدد 9،9 مرتبہ احتساب عدالت کے سامنے پیش ہوچکے ہیں۔


ایون فیلڈریفرنس کے بعدعزیزیہ اسٹیل ریفرنس میں بھی نوازشریف پر فردجرم عائد


واضح رہے کہ رواں برس 19 اکتوبر کو احتساب عدالت نے ایون فیلڈ ریفرنس میں نواز شریف، مریم نواز اور کیپٹن ریٹائرڈ صفدر پر فرد جرم عائد کی تھی جبکہ اسی روز عزیزیہ اسٹیل ریفرنس میں بھی نواز شریف پر فرد جرم عائد کی گئی تھی۔

بعد ازاں عدالت کا وقت ختم ہونے کے باعث اس سے اگلے روز 20 اکتوبر کو فلیگ شپ انویسٹمنٹ ریفرنس میں بھی نامزد ملزم نواز شریف پر فرد جرم عائد کی گئی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top