پنجاب کے شہر ٹوبہ ٹیک سنگھ میں 80 سالہ بزرگ خاتون سے زیادتی اور تشدد کے واقعے میں ملوث ملزم کو گرفتار کر لیا گیا۔
آئی جی پنجاب راؤ سردارعلی خان کی ہدایت پر ڈی پی او نے فوری ایکشن کرتے ہوئے ملزم اور اس کے ساتھی کو گرفتار کیا ہے۔
آئی جی پنجاب کا کہنا ہے کہ واقعے میں ملوث ملزم مجاہد اور اسکے ساتھی کو گرفتار کرلیاگیاہے ملزمان کو قرار واقعی سزا دلوانے میں کوئی کسر نہیں چھوڑی جائےگی۔
انہوں نے کہا کہ بزرگ خاتون کو انصاف کی فراہمی یقینی بنائی جائے خواتین اور بچوں سےزیادتی کےواقعات کسی صورت قابل قبول نہیں ہے۔
چند روز قبل پنجاب کے دو اضلاع ٹوبہ ٹیک سنگھ اور اوکاڑہ میں خواتین کے ساتھ مبینہ زیادتی کے واقعات پیش آئے، کمالیہ میں ایک شخص نے 80 سال کی بے سہارا خاتون کو اپنی ہوس کا نشانہ بنایا جبکہ اوکاڑہ میں دورانِ ڈکیتی شادی شدہ خاتون کو اجتماعی زیادتی کا نشانہ بنایا گیا۔
تفتیشی افسر کے مطابق افسوسناک واقعہ کمالیہ کے نواحی گاؤں کھوکھراں والی میں پیش آیا، جہاں بلال نامی شخص نے بے سہارا خاتون کو رات کی تاریکی میں درندگی کا نشانہ بنایا۔