کراچی : اداکارفیصل قریشی نے ٹریفک کےخراب نظام کاذمےدارشہریوں کوقرار دیتے ہوئے کہا کوئی کسی کے لئے رکے گا نہیں ، دو منٹ کے لیےرک جائیں توسب کو راستہ مل جائےاورٹریفک جام نہ ہو۔
تفصیلات کے مطابق اداکارفیصل قریشی نے سماجی رابطے کی ویب سائٹ ٹوئٹر پر ٹریفک کے مسئلے کی نشاندہی کرتے ہوئے شہریوں کی بے ترتیبی اور ٹریفک قوانین کی پاسداری نہ کرنے پر وڈیو بنا کر شیئر کی۔
فیصل قریشی نے ٹریفک کےخراب نظام کا ذمےدار شہریوں کو قرار دیتے ہوئے کہا سڑک پر لوگوں کی بے چینیاں دیکھیں ، کوئی کسی کے لئے رکے گا نہیں ، بے چین ہوکر روڈ بلاک کردیا جاتا ہے ،پھر ہارن دئیے جاتے ہیں، دو منٹ کے لیےرک جائیں توسب کو راستہ مل جائےاورٹریفک جام نہ ہو۔
Bechain be sabray pic.twitter.com/Hg8Ex9zoNL
— Faysal Quraishi (@faysalquraishi) April 10, 2019
خیال رہےٹریفک جام کراچی کا ایک اہم مسئلہ ہے، اہم ترین شاہراہوں پر بدترین ٹریفک جام معمول، منٹوں کا فاصلہ گھنٹوں میں طے ہونے لگا ہے۔
