The news is by your side.

Advertisement

پاکستانی اداکارہ کا فیس بک پیج ہیک

کراچی: پاکستانی شوبز انڈسٹری کی معروف اداکارہ انعم تنویر کا فیس بک پیج ہیک ہوگیا۔

نمائندہ اے آر وائی نیوز کے مطابق پاکستانی اداکارہ انعم تنویر کا فیس بک پیج ایک روز قبل ہیک ہوا، جس پر 6 لاکھ 93 ہزار سے زائد فالوورز تھے۔

انعم تنویر نے بتایا کہ ایک روز قبل انہیں فیس بک پر نوٹی فکیشن موصول ہوا جس میں انہیں اپنے ہی پیج کے ایڈمن سے ہٹا دیا گیا تھا، بعد ازاں معلوم ہوا کہ ہیکرز اس پر پوسٹنگ کررہے ہیں۔

اداکارہ کا کہنا ہے کہ وہ فیس بک پیج ہیک ہونے کی وجہ سے ذہنی اذیت کا شکار ہوگئیں ہیں اور انہیں خدشہ ہے کہ اب ہیکرز اس پیج کا غلط استعمال نہ کریں۔

انعم تنویر نے خدشہ ظاہر کیا ہے کہ نامعلوم ہیکرز اُن کے پیج پر غیر اخلاقی چیزیں پوسٹ نہ کردیں کیونکہ اس سے اُن کی ساکھ بری طرح سے متاثر ہوگی۔

اداکارہ نے بتایا کہ انہوں نے اس معاملے پر ایف آئی اے سائبر کرائم اور سیٹیزن پورٹل پر شکایت درج کرادی جبکہ پیج کی واپسی کے لیے فیس بک حکام سے بھی رابطہ کرلیا ہے۔ اداکارہ نے واضح کیا کہ اب اُن کا فیس بک پیج پر ہونے والی پوسٹنگ سے کوئی تعلق نہیں ہے۔

Comments

یہ بھی پڑھیں