پاکستانی ڈرامہ انڈسٹری کی معروف اداکارہ اشنا شاہ نے منگنی کرلی جس کی تصاویر سوشل میڈیا پر وائرل ہورہی ہیں۔
فوٹو اور ویڈیو شیئرنگ ایپ انسٹاگرام پر اداکارہ اشنا شاہ نے منگیتر کے تصاویر شیئر کرتے ہوئے مداحوں کو منگنی سے متعلق آگاہ کیا۔
View this post on Instagram
انہوں نے پوسٹ شیئر کرتے ہوئے لکھا کہ ’میری گمشدہ پہیلی کے ٹکڑے سے ملیں۔‘ اداکارہ نے پوسٹ میں منگیتر حمزہ امین کو مخاطب کرتے ہوئے لکھا کہ ’سوہنا وی اے تے چنگا وی‘ بسمہ اللہ کرئیے۔‘
اداکارہ نے اس پرمسرت موقع پر مشرقی لباس زیب تن کیا جبکہ حمزہ امین روایتی لباس میں ملبوس ہیں۔
حمزہ امین نے انسٹاگرام پر پوسٹ شیئر کی، اشنا کے منگیتر ایتھلیٹ ہیں اور گالف کے کھیل سے وابستہ ہیں۔
View this post on Instagram
اشنا شاہ کو شوبز شخصیات اور مداحوں کی جانب سے مبارک باد دی جارہی ہے اور ان کے لیے نیک خواہشات کا اظہار کیا جارہا ہے۔
انہوں نے ہیش ٹیگ ’ہموش‘ استعمال کیا ہے اور انگوٹھی کی ایموجی بھی بنائی ہے۔
View this post on Instagram
واضح رہے کہ اشنا شاہ نے اے آر وائی ڈیجیٹل کے ڈرامہ سیریل ’حبس‘ میں عائشہ کا کردار نبھایا ، ڈرامے کی دیگر کاسٹ میں جاوید شیخ، فیروز خان، اسرا غزل، دانیہ انور، جینیس ٹیسا، صبا فیصل، ودیگر بھی شامل تھے۔
