کراچی: پاکستان اور افغانستان کے درمیان ون ڈے سیریز کی تعطلی کے بادل چھٹ گئے، افغان ٹیم آج پشاور پہنچ رہی ہے۔
افغان میڈیا کے مطابق پاکستان سے ون ڈے سیریز کی میزبان افغانستان کرکٹ ٹیم آج پشاور پہنچےگی، افغانستان کرکٹ ٹیم پشاور سےاسلام آباد اور براستہ دبئی کولمبو پہنچےگی۔
افغان میڈیا کے مطابق پاکستان کرکٹ بورڈ کوآمد سےمطلع کردیا گیا ہے، دونوں ٹیموں کے درمیان تین میچوں کی سیریز اگلے ماہ کی تین، پانچ اور آٹھ تاریخ کو سری لنکا کے شہر ھمبن ٹوٹامیں کھیلی جائےگی۔
اس سے قبل وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر جاری اپنے بیان میں بتایا تھا کہ پاکستان نےافغانستان کرکٹ ٹیم کو ویزےجاری کردیئے ہیں، ساتھ ہی انہوں نے لکھا کہ دعا کرتےہیں کہ افغان کرکٹ ٹیم اپنےعوام کےچہروں پرمسکراہٹیں لائیں گے۔
پاکستان نے افغانستان کی کرکٹ ٹیم کو ویزہ جاری کر دیا ہے، ہم امید اور دعا کرتے ہیں کہ افغان کرکٹ ٹیم اپنے عوام کی چہروں پر مسکراہٹیں لائے گی…… “زما دا اخلاص نہ ڈکے نیکے حیلے اؤ دعاگانے تاسو سرا دی۔” #AfganistanCricketTeam
— Ch Fawad Hussain (@fawadchaudhry) August 22, 2021
واضح رہے کہ اس سے قبل افغانستان کرکٹ بورڈ نے سیریز کیلئے حکمت عملی بنائی تھی، پلان بی کے تحت افغان کھلاڑی پاکستان کے راستے دبئی پھر سری لنکا جاسکتے ہیں۔
یہ بھی پڑھیں: پاک افغان سیریز کے لیے پلان بی تیار
دوسری جانب سری لنکا میں کورونا کیسز میں اضافے کے باعث 10 دنوں کے لیے مکمل لاک ڈاؤن نافذ ہے، پاکستان اور افغانستان کی سیریز کے لیے حکومت کی اجازت درکار ہوگی۔
سیریز کے آغاز سے قبل دونوں ٹیموں کو سری لنکا میں تین روز کا قرنطینہ کرنا ہوگا۔
