ایشیا پیسیفک فورم کی رپورٹ میں کہا گیا ہے کہ افغانستان سے دہشت گردی کا نشانہ بننے والوں میں پاکستان سرفہرست ہے ، افغانستان سے کالعدم ٹی ٹی پی،جماعت الاحرار ،بلوچ دہشت گرد تنظیمیں پاکستان میں دہشت گردی کرتی ہیں۔
تفصیلات کے مطابق ایشیا پیسیفک فورم نے رپورٹ جاری کردی ، جس میں کہا ہے کہ افغانستان عالمی دہشتگردتنظیموں کا گڑھ بن گیا، افغانستان سے 23دہشت گردتنظیمیں 53 ممالک میں دہشتگردی پھیلاتی ہیں۔
ایشیا پیسفک فورم کا کہنا ہے کہ افغانستان سے دہشتگردی کا نشانہ بننے والوں میں پاکستان سرفہرست ہے ، 23میں سے 17 دہشتگرد تنظیمیں صرف پاکستان کو نشانہ بناتی ہیں اور افغانستان سے پاکستان میں کالعدم ٹی ٹی پی،جماعت الاحرار ،بلوچ دہشتگردتنظیمیں دہشتگردی کرتی ہیں۔.
افغانستان عالمی دہشت گرد تنظیموں کا گڑھ بن گیا، ایشیا پیسیفک فورم کی رپورٹ جاری! افغانستان سے 23 دہشت گرد تنظیمیں 53 ممالک میں دہشت گردی پھیلاتی ہیں، رپورٹ —- افغانستان سے دہشت گردی کا نشانہ بننے والوں میں پاکستان سرفہرست، رپورٹ#ARYNews pic.twitter.com/LoZYoKWTLM
— ARY NEWS (@ARYNEWSOFFICIAL) December 7, 2023
رپورٹ میں بتایا گیا کہ افغانستان سے القاعدہ یورپ اور امریکا کو نشانہ بناتی ہے جبکہ تحریکِ اسلامی ترکمانستان چین اورآئی ایم یو ازبکستان کو دہشتگردی کا نشانہ بناتی ہے۔
اس کے علاوہ افغانستان سے ہی جنداللہ ایران میں،داعش یورپ اور امریکہ میں دہشتگردی کرتی ہے جبکہ حزب التحریر اور جماعت الاحرار پاکستان میں دہشتگردی پھیلاتی ہیں۔
ایشیا پیسیفک فورم نے رپورٹ میں کہا کہ پاکستان میں گزشتہ سال دہشت گردی کی بڑھتی لہر میں ٹی ٹی پی اور افغان حمایت کا مرکزی کردار رہا، سال 2015 سے 2020 پاک فوج کے آپریشنز کی بدولت ٹی ٹی پی حملے مسلسل کم ہوتے گئے۔
رپورٹ کے مطابق سال 2020کے بعد سے ٹی ٹی پی کے حملوں میں بتدریج اضافہ ہو رہا ہے، ٹی ٹی پی نے پاکستان میں 2020 میں 49اور 2021میں 198جبکہ 2022 میں 237 حملے کئے، گزشتہ سال ٹی ٹی پی کے 317 حملوں میں 389 پاکستانی شہید ہوئے۔
اقوام متحدہ کی جانب سے کہا گیا ہے کہ افغان طالبان کے اقتدار سنبھالنے کےبعد خطے میں سیکیورٹی پیچیدہ اور غیر یقینی ہوگئی ہے۔
