اسلام آباد: مارشل آرٹس کے پاکستانی کھلاڑیوں نے الفجیرہ اوپن انٹرنیشنل تائی کوانڈر چیمپئن شپ میں 6 میڈل جیت کر پہلا دن اپنے نام کر لیا۔
تفصیلات کے مطابق الفجیرہ اوپن انٹرنیشنل تائیکوانڈو چیمپئن شپ کا پہلا روز پاکستان کے نام ہو گیا، پاکستانی شاہینوں نے 4 سلور اور 2 برونز میڈل جیت لیے۔
اے آر وائی نیوز کے مطابق پاکستانی ایتھلیٹس نے مارشل آرٹ کے 4 سلور اور 2 برونز میڈلز اپنے نام کیے، 29 کے جی میں عائشہ انور نے سلور میڈل جیتا، 46 کے جی میں ملائیکہ نایاب برانز میڈل کی حق دار قرار پائیں، 49 کے جی میں فاطمہ خاور نے سلور میڈل اپنے نام کیا، جب کہ 55 کے جی میں انوشہ علیم برونز میڈل جیتنے میں کامیاب ہوئیں۔
78 کے جی کے مقابلے میں سینان اشفاق، 78 کے جی پلس مقابلے میں محمد دانش نے سلور میڈل جیت لیا۔ خیال رہے کہ 3 روزہ مقابلوں میں 32 ممالک کے کھلاڑی مختلف ویٹ کیٹگریز میں حصہ لے رہے ہیں۔
سیف گیمز : بلوچستان کے دو نوجوانوں نے تائیکوا نڈو میں سونے کے تمغے جیت لیے
یاد رہے کہ دسمبر 2019 میں کھٹنمنڈو، نیپال میں منعقدہ تیرہویں سیف گیمز کے دوران تائی کوانڈو میں پاکستانی ایتھلیٹس نے فتح کے جھنڈے گاڑ دیے تھے، بلوچستان کے 20 سالہ شاہ زیب خان شاہوانی اور ہارون خان ترین نے 3 گولڈ، 7 سلور اور 4 برونز میڈلز جیت کر پاکستانیوں کے سر فخر سے بلند کر دیے تھے۔
