The news is by your side.

Advertisement

عمران خان کا ساتھ پوری ایمانداری سے دیا، میں کبھی بھی اس ایوان کو جھکنے نہیں دوں گا،علیم خان

لاہور : پی ٹی آئی کے رکن اسمبلی علیم خان کا کہنا ہے کہ میں نے عمران خان کا ساتھ پوری ایمانداری سے دیا ،  ایک روپیہ بھی رشوت کا نہیں لیا نہ کبھی ٹھیکےمیں پیسے کھائے، میں کبھی بھی اس ایوان کو جھکنے نہیں دوں گا۔

تفصیلات کے مطابق پی ٹی آئی کے رکن اسمبلی علیم خان نے پنجاب اسمبلی میں خطاب کرتے ہوئے کہا پروڈکشن آرڈرجاری کرنے پر اسپیکر اور ڈپٹی سپیکر کا شکریہ ادا کرتا ہوں ، میں نے بطور صوبائی وزیر پوری ایمان داری سے کام کیا اور ایک روپیہ بھی رشوت کا نہیں لیا نہ کبھی ٹھیکےمیں پیسے کھائے۔

علیم خان کا کہنا تھا کہ اپوزیشن ہویاحکومتی کسی ایم پی اےسےکبھی زیادتی نہیں کی، اپنے قائد عمران خان کے ساتھ نئے پاکستان کے لیے دل وجان سےکا م کیا، بہت سوں نے روکا لیکن نئے پاکستان کے لیے جدوجہد کی۔

انھوں نے مزید کہا میں نے عمران خان کا ساتھ پوری ایمانداری سے دیا ، سیاست اور کاروبار سر اٹھا کر کیا ہے، میں کبھی بھی اس ایوان کو جھکنے نہیں دوں گا۔

قوم کی پوری ایمانداری سےخدمت کی

علیم خان

اس سے قبل علیم خان نے صوبائی وزیرقانون راجہ بشارت سے ملاقات کی تھی ، ملاقات میں نئے بلدیاتی نظام اور مختلف امور پرتبادلہ خیال کیا گیا ، اس موقع پر صوبائی وزیر چوہدری ظہیرالدین بھی موجود تھے۔

ایم پی اےعلیم خان کا کہنا تھا کہ قوم کی پوری ایمانداری سےخدمت کی، کسی ایم پی اے خواہ وہ اپوزیشن ہو یا حکومت سے زیادتی نہیں کی، میں جب ایم پی اے بنا مجھے 5 مرتبہ بلایاگیا۔

انھوں نے مزید کہا میں نے 10سال اپوزیشن کی،عمران خان کیساتھ ہوں، سیاست اور کاروبار سر اٹھا کر کیا ہے۔

یاد رہے فروری کو نیب لاہور نے آمدن سے زائد اثاثہ جات کیس میں پنجاب کے سینئر وزیرعبدالعلیم خان کو گرفتار کرلیا تھا، ذرائع کے مطابق علیم خان نیب کی تحقیقاتی کمیٹی کو مطمئن نہ کرسکے۔

Comments

comments

یہ بھی پڑھیں