پاکستانی ڈرامہ انڈسٹری کے سینئر اداکار وسیم عباس کے بیٹے اداکار علی عباس نے اپنی زندگی کا اہم واقعہ بتادیا۔
اے آر وائی ڈیجیٹل کے ڈراموں میرے اپنے میں حاجرہ یامین کے ساتھ مرکزی کردار نبھانے والے اداکار علی عباس نے اہلیہ حمنہ کے ساتھ نجی ٹی وی کے مزاحیہ شو میں شرکت کی اور اپنے کیریئر سمیت نجی زندگی سے متعلق گفتگو کی۔
علی عباس نے بتایا کہ انہیں ریسلنگ دیکھنے کا بہت شوق ہے بچپن میں وہ ریسلر شان مائیکل کی طرح اسٹنٹ کرتے ہوئے زخمی ہوگئے تھے، انہوں نے مشہور ریسلر دی راک کا مشہور جملہ بھی دہرایا۔
View this post on Instagram
شو میں ایک مداح کے سوال کے جواب میں انہوں نے کہا کہ میں ہمیشہ منفی یا سنجیدہ کیریکٹر نہیں کرتا بہت سے ڈراموں میں مثبت کردار نے بھی نبھائے ہیں۔
علی عباس نے بتایا کہ وہ خواب میں ایوارڈ وصول کرتے ہوئے سب کا شکریہ ادا کررہے ہوتے تھے، اہلیہ حمنا نے بتایا کہ ایوارڈ شو سے زیادہ انہیں اپنی ریسلنگ بیلٹ کی باتیں کرتے ہیں ابھی تک ان کے اندر ایک ریسلر چھپا ہے۔
View this post on Instagram
حمنہ نے بتایا کہ وہ اپنے ریسلر کے کرتب دکھاتے ہوئے کہنی پر چوٹ لگوا بیٹھے تھے ان کی کہنی سائیڈ ٹیبل پر لگ گئی تھی اور پیر میں بھی چوٹیں آئی تھیں۔
ایک سوال کے جواب میں حمنہ نے مزاحیہ انداز میں کہا کہ یہ بہت شرارتی ہیں اور میں تو اب بھی کہتی ہوں کہ پورے خاندان کا بدمعاش لڑکا میرے حصہ میں آیا ہے۔
View this post on Instagram
مداح نے علی سے کہا کہ آپ کوئی ایسا کردار بھی کریں کہ ہم اسے اپنائیں تو گھر والے غصہ نہ ہوں، اس پر اداکار نے کہا کہ آپ گھر والوں کی عزت کریں والدین جتنا بھی ڈانٹ ڈپٹ کرلیں ان پر کبھی غصہ نہ کریں ان کی ڈانٹ میں بھی ہمارے لیے پیار اور صلاح ہوتی ہے۔
