لاہور کی سیشن کورٹ میں اداکار علی ظفر کی جانب سے میشاء شفیع کے خلاف سو کروڑ ہرجانے کا کیس دوسری عدالت میں ٹرانسفر کر دیا گیا۔
ایڈیشنل سیشن جج عمر حیات نے کیس کی سماعت کی تو عدالت نے کیس ایڈیشنل سیشن جج امتیاز احمد کی عدالت میں ٹرانسفر کر دیا۔
فاضل جج 16 نومبر کو کیس کی سماعت کریں گے۔ عدالت نے آج گواہان کو بیان قلمبند کرانے کے لیے طلب کر رکھا تھا۔
میشاء شفیع ہرجانہ کیس میں اب تک تین ججز کیس کی سماعت کر چکے ہیں۔ دعویٰ میں علی ظفر نے موقف اختیار کیا کہ میشا شفیع نے ہراساں کرنے کے بے بنیاد الزامات عائد کیے،میشا شفیع نے سستی شہرت کے لیے جھوٹے الزامات عائد کیےمیشا شفیع کے جھوٹے الزامات سے پوری دنیا میں شہرت متاثر ہوئی۔
- Advertisement -
عدالت سے استدعا ہے کہ میشا شفیع کو سو کروڑ روپے ہرجانہ ادا کرنے کا حکم دے۔
