اسلام آباد : پاکستان تحریک انصاف کے چیئرمین عمران خان اور بشریٰ بی بی کے دوران عدت نکاح کیخلاف درخواست پر گواہ مفتی سعید کے عمرہ پر ہونے کی وجہ بیان ریکارڈ نہ ہو سکا۔
تفصیلات کے مطابق اسلام آباد کی مقامی عدالت میں چیئرمین پی ٹی آئی عمران خان پر عدت کے دوران نکاح کے الزام پر درخواست کی سماعت ہوئی،سینئر سول جج نصر من اللہ بلوچ نے درخواست پر سماعت کی ۔
گواہ مفتی سعید کے عمرہ پر ہونے کی وجہ بیان ریکارڈ نہ ہو سکا، وکیل نے استدعا کی کہ گواہ مفتی سعید عمرہ پر گئے ہیں، عدالت آئندہ کی تاریخ رکھ دے ، عدالت نے عمران خان اور بشریٰ بی بی کیخلاف درخواست پر سماعت 28 اپریل تک ملتوی کردی ۔
یاد رہے دو روز قبل چیئرمین پی ٹی آئی عمران خان اور ان کی اہلیہ پر عدت کے دوران نکاح کے الزام پر درخواست دائر کی گئی تھی۔
یہ بھی پڑھیں
شہری نے دونوں کے خلاف سیکشن 496 کے تحت کارروائی کے لیے درخواست دائر کی، جس میں مؤقف اختیار کیا کہ بشریٰ بی بی نے عدت پوری کیے بغیر نکاح کیا جو غیرقانونی ہے، عمران خان اور بشریٰ بی بی کے نکاح کی کاپی بھی شکایت کے ساتھ منسلک ہے۔
