یوں تو بیگن کو سبزیوں کا سردار کہا جاتا ہے اور اس کی تاویل یہ پیش کی جاتی ہے کہ اس کے سر پر تاج ہوتا ہے۔ تاہم آلو بینگن کو دنیا کے 100 بدترین کھانوں میں شامل کردیا گیا۔
بیگن کو عام طور پر سبزیوں میں زیادہ مقبولیت حاصل نہیں لیکن وائرل میم پر مسکراہٹوں کے بعد بینگن سے متعلق ہنسی کی ایک نئی وجہ سامنے آگئی ہے۔
یاد رہے چند روز قبل ایک رپورٹر نے اسکول کے ایک طالب علم سے اس کے پسندیدہ مضمون کے بارے میں پوچھا، جس کے جواب میں اس نے بینگن کہا، جس کے بعد سوشل میڈیا پر میمز کی لائن لگ گئی تھی۔
View this post on Instagram
تاہم اب بینگن کو 100 بدترین کھانوں میں شامل کردیا گیا، ٹیسٹ ایٹلس کی جانب سے جاری کردہ فہرست کے مطابق آلو بینگن دنیا کے بدترین کھانوں میں 60ویں نمبر پر ہے۔
رپورٹ کے مطابق آلو بینگن کو 5 میں سے 2.7 ریٹنگ ملی ہے، لیکن سوشل میڈیا صارفین اس سروے کے بعد حیران ہیں کہ یہ کیسے ممکن ہوسکتا ہے۔
ایک بھارتی فوڈ بلاگر نے کہا کہ میں صرف اتنا کہہ سکتا ہوں کہ بادشاہ کا دل ٹوٹ گیا ہے، جبکہ ایک اور صارف نے کہا کہ جیوری کو یقینی طور پر ایشیا ممالک آنا چاہئے اور اصلی آلو بینگن کا مزہ چکھنا چاہئے۔
ایک اور صارف نے کہا کہ غیر ملکی لوگ جو مصالحے کے بغیر کھانا کھانے کے عادی ہیں، انہیں بینگن آلو کے اصل ذائقے کا نہیں پتا۔
ایک اور صارف کا کہنا تھا کہ ’مسالوں کے ساتھ بینگن برصغیر پاک و ہند میں سب سے قدیم پکوانوں میں سے ایک ہے، آلو بینگن شاید بہترین ڈش نہ ہو لیکن یہ سب سے خراب بھی نہیں‘۔
تاہم مجموعی فہرست میں آئس لینڈ کی ہاکارل ڈش سرفہرست ہے، جو ایک قومی لذت ہے، اس ڈش کو بنانے کے لیے شارک کو خمیر کیا جاتا ہے۔
